| ہم نے یوں عید منائی ہے کہ تم یاد آئے |
| دوستی کیسی نبھائی ہے کہ تم یاد آئے |
| تم کو دیکھے ہوئے اب ایک زمانہ گزرا |
| دل نے تصویر دکھائی ہے کہ تم یاد آئے |
| ہم نے سمجھایا قلم کو کہ نہ ہو ذکر کہیں |
| اس نے تحریر لکھائی ہے کہ تم یاد آئے |
| دوستی رشتہ ہی ایسا ہے بھلا سکتے نہیں |
| تم نے کی اتنی بھلائی ہے کہ تم یاد آئے |
| اک زمانہ تھا کہ ہم ساتھ رہا کرتے تھے |
| پھر ہوئی ایسی جُدائی ہے کہ تم یاد آئے |
| آنکھ سے دور ہوئے تم تو مری یادوں نے |
| پھر غزل ایسی سنائی ہے کہ تم یاد آئے |
| ہے یقیں تم جہاں رہتے ہو وہیں پر خوش ہو |
| خوش رہو تم کو رسائی ہے کہ تم یاد آئے |
| طارق آ جاتی ہے گر یاد تو خوش ہوتے ہیں |
| ہم نے کب دی یہ دہائی ہے کہ تم یاد آئے |
معلومات