| عطرِ گل جن کا پسینہ ان پہ ہوں لاکھوں سلام |
| وہ ہیں سلطانِ مدینہ ان پہ ہوں لاکھوں سلام |
| جو رفیقِ دو جہاں جو جاں نثارِ مصطفی |
| وہ ہیں سردارِ مدینہ ان پہ ہوں لاکھوں سلام |
| وہ عمر فاروق جن کی دھاک و ہیبت دیکھ کر |
| کفر کا نکلا پسینہ ان پہ ہوں لاکھوں سلام |
| پیکرِ شرم و حیا عثمان پر ہوں رحمتیں |
| راحتِ شاہِ مدینہ ان پہ ہوں لاکھوں سلام |
| شیرِ حق جو حیدرِ کرار دامادِ نبی |
| علم و حکمت کا خزینہ ان پہ ہوں لاکھوں سلام |
| مصطفی حسنین حیدر فاطمہ پر رحمتیں |
| پاک ہے سارا سفینہ ان پہ ہوں لاکھوں سلام |
| تیرے ہیں اصحاب سارے جنتی یا مصطفیٰ |
| جو چلے تیرا کرینہ ان پہ ہوں لاکھوں سلام |
| غوث اعظم پیرِ پیراں وہ امام الاولیاء |
| وہ طریقت کا خزینہ ان پہ لاکھوں سلام |
| نائبِ غوث الوری عطار پر ہوں رحمتیں |
| عاشقِ شاہِ مدینہ ان پہ ہوں لاکھوں سلام |
| عاجز و اجداد پر اللہ کی ہوں رحمتیں |
| با کرمِ شاہِ مدینہ ان پہ ہوں لاکھوں سلام |
معلومات