| سدا مصطفی سے رکھیں دوستی |
| اسی سے ملے دو جہاں میں خوشی |
| پڑھیں جو نبی پر درود و سلام |
| خدا سے ملے اُن کو ہر روشنی |
| سدا کامرانی ہے مقدور اُو |
| جسے یادِ اطہر نبی کی ملی |
| ثنائے نبی ہے دلوں کا سکوں |
| زہے ذکرِ جاں دے گراں تازگی |
| بنیں خادمِ مصطفائی تمام |
| اسی سے ہے معدوم ہر بے بسی |
| اگر چاہیں دلشاد دائم رہیں |
| درِ مصطفیٰ بانٹے یہ آشتی |
| غلامی میں اُن کی چھپی ہے غنا |
| کرے دور دل سے یہی بے کلی |
| بنے ہیں جو بردے سخی آل کے |
| انہیں پھر ملی ہے نئی زندگی |
| جو نامِ نبی پر ہے مومن فدا |
| ہے حاصل اُسی کو سدا شانتی |
| ہیں محمود آقا بڑے مہر باں |
| گئی جن کی آمد سے ہر تیرگی |
معلومات