| رسو لوں کے بنے خا تم رسالت ہو تو ایسی ہو |
| گوا ہی بے زباں بھی دے نبوت ہو تو ایسی ہو |
| کھلاتے تھے مرے آقا یتیموں اور غریبوں کو |
| مگر خود بھوکے رہتے تھے قناعت ہو تو ایسی ہو |
| عرب کے مشرکوں نے بھی کہا صادق امیں ان کو |
| صداقت ہو تو ایسی ہو امانت ہو تو ایسی ہو |
| فقط حکمِ نبی پر حضرتِ صدیق اکبر نے |
| لٹایا اپنا مال و ذر سخاوت ہو تو ایسی ہو |
| سزا دے کر کہا حضرت عمر نے اپنے بیٹے سے |
| سبھی یکساں ہیں قانونا عدا لت ہو تو ایسی ہو |
| علی نے ایک حملے میں نکالی جان مرحب کی |
| ہوۓ سب ششدر و حیراں شجاعت ہو تو ایسی ہو |
| ابو ایوب کے گھر مصطفے مہماں بنے تھے جب |
| صحابہ رشک کرتے تھے کہ قسمت ہو تو ایسی ہو |
| دیے داماد عثماں کو لقب آقا نے ذوالنورین |
| کہ دامادوں سے الفت اور محبت ہو تو ایسی ہو |
| خدا راضی ہے سب اصحاب سے یونسؔ میں مانا ہوں |
| صحابہ کے تعلق سے عقیدت ہو تو ایسی ہو |
معلومات