کیا ہے کفر نے ہم سے بغاوت بابری مسجد |
نہ بھولیں گے کبھی تیری شہادت بابری مسجد |
وہ دن تاریخ جس میں کی گئی مسمار مسجد کو |
قیامت ہے قیامت ہے قیامت بابری مسجد |
ہمارے ملک میں مظلوم کو ملتی سزائیں ہیں |
یہاں ظالم کو ملتی ہے ضمانت بابری مسجد |
شواہد پر نہیں ملتا سنو! انصاف بھارت میں |
ہوئی ہے کس قدر اندھی عدالت بابری مسجد |
کلیجہ منہ کو آ جاتا تِرا جب نام سنتے ہیں |
تِری ہم سے نہ ہو پائی حفاظت بابری مسجد |
کوئی غازی صلاح الدین آئے گا تِری خاطر |
بنے گی ان شا اللہ پھر عمارت بابری مسجد |
تصدق! آج کوئی بھی حقیقت میں نہیں اپنا |
بہت گندی ہے بھارت کی سیاست بابری مسجد |
معلومات