| ستم مجھ پر ہوئے بابا یہ نوحہ فاطمہؑ کا ہے |
| تمام امت نے مل کے گھر جلایا فاطمہؑ کا ہے |
| تمہارے دل کے ٹکڑے کو طمانچوں سے اذیٌت دی |
| بُھلا بیٹھے ہیں سب ظالم جو رتبہ فاطمہؑ کا ہے |
| لگاتے رونے پر پہرے عجب یہ ظلم ڈھاتے ہیں |
| غٙمِ احساس سے لٙب پر یہ جُملہ فاطمہؐ کا ہے |
| بڑی مشکل سے آئی ہوں ہوا دشوار بھی چلنا |
| مرے بابا کیا پہلو شکستہ فاطمہؑ کا ہے |
| کلیجہ پھٹ گیا میرا مجھے جھوٹا بھی کہہ ڈالا |
| بھرے دربار میں پھر حق بھی چھینا فاطمہؑ کا ہے |
| ملے ہیں زخم وہ مجھ کو جگر زخمی ہے دل زخمی |
| ہوا ہے قتل محسنؑ بھی یہ نالہ فاطمہؑ کا ہے |
| کلیجہ ٹکڑے کرتا ہے ضیا صائب کا یہ نوحہ |
| شکستہ پسلیاں ہیں دل بھی ٹوٹا فاطمہؑ کا ہے۔ |
معلومات