| سجدوں میں پڑا در پہ پشیمان ہوں مولا |
| حالت ہوئی اپنی پہ پریشان ہوں مولا |
| آنکھوں میں جلن سینے میں خاموش ہے طوفاں |
| بے حس ہوں پڑا فکر میں بے جان ہوں مولا |
| رحمت کا ہوں طالب میں جو دشوار ہے منزل |
| کر دے اسے آساں ترا احسان ہے مولا |
| قابل ہے ستائش کے تو معبود ہے میرا |
| اللہ تری اس شان پہ قربان ہوں مولا |
| قادر ہے تو ہر چیز پہ خالق ہے خدایا |
| اک تیری بڑائی کا میں اعلان ہوں مولا |
| مفلس کے بدن کو ہے کسی پردے کی ضرورت |
| مجھ پر ہو کرم چاک گریبان ہوں مولا |
| ہر شے سے مقدم ہے تو شاہد کی نظر میں |
| غلطی کا میں پتلا ہوں میں انسان ہوں مولا |
معلومات