| سخی در پہ آؤں ندائے گدا ہے |
| اے جانِ جہاں تو شہے دو سریٰ ہے |
| خزانے خدا سے ملے تجھ کو آقا |
| نگاہِ کرم ہو یہی التجا ہے |
| ہیں ہجرِ نبی میں کٹھن گھڑیاں ساری |
| نظر ہو نبی جی یہ دل جل رہا ہے |
| ہوں لاغر میں آقا ہیں دشوار رستے |
| سنوارے جو بگڑی نبی کی عطا ہے |
| مدینے کے منظر بنے آرزو ہیں |
| مدینہ مدینہ مدینہ دعا ہے |
| مدینے میں آؤں ملوں زائروں کو |
| مدینہ میں ملتی دلوں کو شفا ہے |
| کٹیں رات دن سب مدینہ میں میرے |
| مدینے میں دیکھوں جو نور و ضیا ہے |
| یہ محمود بے کس و نادار بھی ہے |
| مگر نغمے تیرے شہا گا رہا ہے |
معلومات