| آمدِ سرکار ہے ہر سو اُجالا ہو گیا |
| منزلیں روشن درخشاں پست بالا ہو گیا |
| باراں ہر جا نور کے ہیں نور کی سرکار سے |
| کفر کے اُس منہ کو دیکھیں آج کالا ہو گیا |
| ڈنکے ہر جا زور سے سرکار کے بجنے لگے |
| ذکر اونچا آپ کا بالا سے اعلیٰ ہو گیا |
| ایک صف پر آ گئے ہیں بندہ اور بندہ نواز |
| لغو کی تھی کر و فر جس کا ازالہ ہو گیا |
| کر رہے تھے ظلم جو اب پاسباں ہیں خیر کے |
| نوریوں کا دَور ہے ظلمت پہ تالا ہو گیا |
| اس جہاں میں عام تھیں طاغوت سے تاریکیاں |
| فیضِ سے سرکار کے یہ تاب والا ہو گیا |
| نورِ رب محمود ہے سارے جہاں کی روشنی |
| جس کے آنے سے دہر میں یوں اُجالا ہو گیا |
معلومات