| مِری بیٹی مِرے مالک کی نعمت |
| رہے اُس پر سدا تیری یہ رحمت |
| کبھی اُس کے قدم کو غم نہ پائے |
| مِلے اُس کو زمانے کی مسرت |
| مِلے اُس کو سدا دانش کی دولت |
| رہے روشن سدا اُس کی ذہانت |
| پڑھائی جب مکمل ہو تو یارب! |
| نصیب اُس کو ترقی کی سعادت |
| حیا اُس کی نگاہوں میں سجی ہو |
| رہے قائم سدا اُس کی شرافت |
| عطا کر تُو اُسے صحت، خدایا! |
| عطا اُس کو سدا جینے کی راحت |
| بچا حاسد کی نظروں سے ہمیشہ |
| نہ آئے اُس کی جانب کوئی آفت |
| مِلے اُس کو جہاں میں نیک نامی |
| نہ دیکھے زندگی میں وہ مصیبت |
| چمکتا ہی رہے اُس کا مقدر |
| بڑھے اُس کے یقیں میں اور طاقت |
| سدا بستا رہے اُس کا گھرانہ |
| رہے اُس پر سدا رب کی حفاظت |
| دعائے شادؔ ہے پروردگارا! |
| سدا اُس پر رہے تیری عنایت |
معلومات