| یار کی دلربائی مل جاتی |
| ساری ہم کو خدائی مل جاتی |
| لفظ مل جاتے چپ سے ہونٹوں کو |
| لکھنے کو روشنائی مل جاتی |
| روگ تنہائیوں کے مٹ جاتے |
| آرزو ہر بھلائی مل جاتی |
| آنکھ سے ہوتی درد کی بارش |
| قیدیوں کو رہائی مل جاتی |
| ہجر میں غم کی بیت جاتی شب |
| وصل کو بھی رسائی مل جاتی |
| ہاتھ کچھ آتے پیار کے گہنے |
| زندگی کو کمائی مل جاتی |
| پی کے امرت جھکی سی پلکوں کا |
| رت خوشی کی گنوائی مل جاتی |
| اپنی قسمت پہ ہوتے نازاں گر |
| در کی شاہد گدائی مل جاتی |
معلومات