| آنکھیں جل جائیں اور جواں خوابوں کو آگ لگے |
| دل کی جھوٹی دنیا فنا ہو، احساسوں کو آگ لگے |
| اب دنیا کی ہر شے سے بیزار اس دل کو کیا مطلب |
| یہ چاند ستارے خواب ہوں، سیاروں کو آگ لگے |
| اب میرے گھر سے ایسا وحشت کا موسم گزرے |
| ان کھڑکیوں کو طوفاں لے اُڑے دروازوں کو آگ لگے |
| اب کے یہ تماشائے وحشت کچھ ایسا رنگ لائے |
| کہ خیالوں کا شہر بکھر جائے یادوں کو آگ لگے |
| کہیں سے میرے کمرے میں وہ بادِ فنا ہو داخل |
| اور ان دیواروں پر لگی تصویروں کو آگ لگے |
معلومات