| خوشیوں کا جو حصہ ہو تو آدھا مجھے دینا |
| گر غم ملیں جاناں تو زیادہ مجھے دینا |
| وہ جس سے کہ آسان ہوں دنیا کے مصائب |
| معبود وہی عزم و ارادہ مجھے دینا |
| بھاتا ہے جو انساں کے لیے تجھ کو خدایا |
| تقویٰ کا وہی عمدہ لبادہ مجھے دینا |
| یہ ذہنِ رَسا خوب ہے اور پھر یہ بصیرت |
| لیکن ذرا فطرت بھی سادہ مجھے دینا |
| جُز تیرے کوئی اور نہ بھائے اسے مولا |
| وہ روح جو ہو تجھ سے اَمادہ مجھے دینا |
| اب نیکی مرے دل سے اس طرح سے پھوٹے |
| بس یہ ہو کہ ہر نیک ارادہ مجھے دینا |
| پہلے میں کروں تیری محبت سے اطاعت |
| "سنتاہوں دعاؤں کو" یہ وعدہ مجھے دینا |
| سجدے میں گری عرض یہ کرتی ہے مری روح |
| مولا ! مری سوچوں سے زیادہ مجھے دینا |
| طاہرہ مسعود |
معلومات