| سرِ میداں کسی ہشیار کو لایا جاۓ |
| جہاں خاموش ہے اب شور مچایا جاۓ |
| طنز اوروں پہ یوں کرنا تو ہے آسان مگر |
| کبھی خود پر بھی تو لوگوں کو ہنسایا جاۓ |
| غیر ممکن سے یہاں غیر نکل جاتا ہے |
| کام دنیا کو یہ اب کرکے دکھایا جاۓ |
| منزلیں دور ہیں دریا بھی نکل آیا ہے |
| کیوں نہ اک رستہ ہی پانی پہ بنایا جاۓ |
| زخم لگتے ہیں تو خوشیوں کی بہار آتی ہے |
| اب اسی بات پہ اک زخم لگایا جاۓ |
| جن چراغوں سے ہیں روشن یہاں الفت کی زمیں |
| ان چراغوں کو یوں ہرگز نہ بجھایا جاۓ |
معلومات