| جگ مگ جس سے ہستی ساری |
| یہ ہے سجن سے روشن دھاری |
| بانٹے دہر میں نورِ ہدایت |
| جس سے فزوں ہے رحمتِ باری |
| اُن کے لئے یہ بزم سجی ہے |
| خادم اُن کے نوری ناری |
| نعمتِ عظمیٰ ذاتِ نبی ہے |
| امت جس نے خوب سنواری |
| اُن پر راضی ذاتِ خدا ہے |
| سیرت اُن کی شَرع ہماری |
| رستے اُن کے سدرہ سے آگے |
| اوجِ فلک پر مہماں داری |
| دہر ہے گھیرا فیضِ نبی نے |
| رحمتِ یزداں اُن سے جاری |
| نورِ رسالت نعمتیں بانٹیں |
| میلاد اُن کا عید ہماری |
| فرماں خدا کا شان میں اُن کی |
| جس سے ہے کوثر اُن کی ساری |
| ذکر سے اُن کے دور بلائیں |
| درد مصیبت اور بیماری |
| دیکھ عطا دلدار سجن کی |
| جھولی ہے محمود پساری |
معلومات