| مستور ہر جمال سے آگے ہے اک جہاں |
| ہر شک کے احتمال سے آگے ہے اک جہاں |
| ریخ و شکست ، حصۂ تصویرِ دو جہاں |
| پیوستہ ہر زوال سے آگے ہے اک جہاں |
| ہر با ثمر شجر بنا رحمت کا اک نشاں |
| ہر شاخِ نو نہال سے آگے ہے اک جہاں |
| حد آسماں کی وسعتوں کی سوچنا گماں |
| ہر ذرّۂ سفّال سے آگے ہے اک جہاں |
| شمس و قمر ستارے فلک پر جو کہکشاں |
| ہر نورِ بے مثال سے آگے ہے اک جہاں |
| گرچہ نہیں ہے کوئی عبادت بھی رائیگاں |
| آباد جان و مال سے آگے ہے اک جہاں |
| ہونٹوں کو پنکھڑی کہیں، ابرُو ہوں یا کماں |
| یارانِ خوش خصال سے آگے ہے اک جہاں |
| اک اور جسم بھی ملے ، جاتی ہے جب یہ جاں |
| پوشیدہ قیل و قال سے آگے ہے اک جہاں |
| طارق گمان و وہم سے بڑھ کر ملے نشاں |
| ہر وسعتِ خیال سے آگے ہے اک جہاں |
معلومات