| الوداع اے مدرسہ اسلامیہ اب الوداع |
| الوداع اے علم و فن کا میکدہ اب الوداع |
| رہتے ہیں سب ہی یہاں پے پاسبانِ علم و فن |
| ہوتے ہیں سیراب ہردم تشنگانِ علم و فن |
| بنتے ہیں فضلِ خدا سے ترجمانِ علم و فن |
| اے خدا محفوظ رکھ یہ گُلْسِتانِ علم و فن |
| الوداع اے مرکز رشد و ہدی اب الوداع |
| الوداع اے مدرسہ اسلامیہ اب الوداع |
| خدمتیں سب کی یہاں پر ہورہی ہیں لاجواب |
| علم و فن سے قوم و ملت ہورہی ہیں فیض یاب |
| اس کی فرقت میں ہی آنکھیں رو رہی ہیں بے حساب |
| الوداع ساری ہی اشیاء کررہی ہیں اے جناب |
| پیارے مسکن مدرسہ اسلامیہ اب الوداع |
| الوداع اے مدرسہ اسلامیہ اب الوداع |
| ہے جدائی کا تصور، رو رہے ہیں بے کراں |
| بھیڑ میں دنیا کی ہم سب کھو رہے ہیں اے میاں |
| چھوڑکر سب کو جدا اب ہورہے ہیں مہرباں |
| غم کے آنسو ہی سے چہرہ دھو رہے ہیں ہم یہاں |
| دل سے رو کر کہتے ہیں ہم الوداع اب الوداع |
| الوداع اے مدرسہ اسلامیہ اب الوداع |
| عبدِ رب تکرار تیرا بھول کیسے پائیں گے؟ |
| اب عنایت کی تلاوت ہم کہاں سے لائیں گے؟ |
| اور وصی کی چاہتوں کو یاد کر کے روئیں گے ؟ |
| جذبۂ عبد الرقیبٖ یاد ہم کو آئیں گے۔ |
| بھولنا مت چاہے کہہ لو الوداع اب الوداع |
| الوداع اے مدرسہ اسلامیہ اب الوداع |
| اے مجاہد تیری خدمت اب ستائے گی ہمیں |
| ہاں مجسم کی خطابت یاد آئےگی ہمیں |
| محنتِ فاروق اعظم، بھی پُکارے گی ہمیں |
| اور ملن ساری محمد کی رلائے گی ہمیں |
| الوداع اے گلشن صدق و صفا اب الوداع |
| الوداع اے مدرسہ اسلامیہ اب الوداع |
| در گزر کرتے چلیں سب کی خطائیں دوستو |
| بھول جائیں ہم سبھی کی کج ادائیں دوستو |
| وقتِ رخصت ہے گلے سب سےملائیں دوستو |
| اور منور کو بھی سب دینا دعائیں دوستو |
| الوداع اے منبعِ جود و سخا اب الوداع |
| الوداع اے مدرسہ اسلامیہ اب الوداع |
معلومات