| تم آئینے کے سامنے جاؤ گے پھر کبھی |
| باطن بھی اپنا سامنے لاؤ گے پھر کبھی |
| تم نے کیا نہ گر کبھی دستِ طمع دراز |
| مایوس ہو کے سر نہ جھکاؤ گے پھر کبھی |
| اپنی محبّتوں سے کرو گے جو انحراف |
| تم زندگی میں چین نہ پاؤ گے پھر کبھی |
| تم سے کریں گے ہم نہ شکایت کبھی نہ کی |
| ملنے جو آ نہیں سکے آؤ گے پھر کبھی |
| آ تو گئے ہو اس کی محبّت کو چھوڑ کر |
| تم اس کی بارگاہ میں جاؤ گے پھر کبھی |
| حسن و جمالِ یار کی دیکھی ہے اک جھلک |
| نظّارۂ جلال بھی پاؤ گے پھر کبھی |
| تم جاگتے میں دیکھتے ہو کہکشاں کے خواب |
| اس دور میں تو چاند پہ جاؤ گے پھر کبھی |
| طارق تم اس کے ذکر پہ خاموش ہو گئے |
| شاید جو دل پہ بیتی سناؤ گے پھرکبھی |
معلومات