| رَسُولُ اللہ کا ذِکرِ خَیر ہے، نُورِ مُبیں وَاللہ |
| جو گُزرے یاد میں اُن کی، وَہ ہے لمحہ حَسِیں وَاللہ |
| دُرُود اُن پر، سَلام اُن پر، ہَمیشہ بھیجتے رہنا |
| خُدا کا ہے پَسندیدہ عَمَل، یہ بِالیقیں وَاللہ |
| غُلامی اُن کی بخشی ہے خُدا نے اپنے بندوں کو |
| یہی دَولت ہے دُنیا میں، یہی حِصنِ حَصِیں وَاللہ |
| محبت سے پڑھا جس نے قصیدہ آپ کے رخ کا |
| خدا بخشے گا ان کو پھر جَمالِ دل نشیں واللہ |
| عتیق ان کی ثنا میں تو قلم مصروف رکھ اپنا |
| خدا کر دے گا دل تیرا مدینے کا مکیں واللہ |
معلومات