تقدیر ہمیشہ ہمت والوں پر مہرباں ہوتی ہے |
تدبیروں سے مزید تاباں و درخشاں ہوتی ہے |
ہے بزدلی اکتفا کرنا ہاتھ کی لکیروں پر فقط |
قسمت تو شوق ہستی سے فروزاں ہوتی ہے |
ہو سر گرم میداں میں انجام کی پرواہ بغیر |
رفتہ رفتہ نصیب دولت، کامل ایماں ہوتی ہے |
درکار ہے سعئ پیہم حصول منزل کے لئے |
آزمائش بھی اکثر دست و گریباں ہوتی ہے |
چلیں سرور سے کبھی تنہا بھی چاہ حق میں |
تشنہ لب کو جیسے تلاش کارواں ہوتی ہے |
گریز ہو ناصر ہمہ وقت بے مروتی سے یہاں |
ملے سرخروئی گر کوشش انساں ہوتی ہے |
معلومات