| غم بیچتا ہوں کوئی خریدار گر ملے |
| امن و سکون وار دوں لاچار گر ملے |
| گر ہو سکے نہ تیرے غموں کا کوئی علاج |
| خوشیوں کے مول تول دوں غمخوار گر ملے |
| رنج و الم سے کیا گِلہ مجھ کو بایں ہمہ |
| کر لوں قبول شوق سے اک بار گر ملے |
| بستی میں دُور دُور تک کوئی مکاں نہیں |
| سر پھوڑنے کا شوق ہے دیوار گر ملے |
| دریا عبور کرنے کو تیّار ہوں ندیم |
| اِس پار جو نہ مل سکا اُس پار گر ملے |
| اکثر ہجومِ دوستاں رہتا ہے آس پاس |
| دل کو سکون ملتا ہے دلدار گر ملے |
| ناراض ہو گا مجھ سے صنم ورنہ مَیں امید |
| سر پھوڑ دوں رقیب کا اوزار گر ملے |
معلومات