| آقا کی ولادت کا یوں جشن منائیں گے |
| بازار سجاتے ہیں ہم دل بھی سجائیں گے |
| آغاز تلاوت سے ہو صبح ولادت کا |
| محبوبِ خدا آئے دنیا کو بتائیں گے |
| کیا شان ہے آقا کی کیا بات ہے آقا کی |
| ہر کوچہ و ہر گھر میں یہ نعرا لگائیں گے |
| آقا نے اخوت کا جو جام پلایا تھا |
| وہ جام محبت ہم پیئیں گے پلائیں گے |
| یہ اول و آخر ہیں یہ ظاہر و باطن ہیں |
| نبیوں کے یہ خاتم ہیں دنیا کو بتائیں گے |
| قرآن ملا ہم کو آقا کے وسیلے سے |
| آقا کی محبت میں قرآن سنائیں گے |
| قرآن میں الله نے جو عہد کا فرما یا |
| کر عہد عتیق اب تو ہر عہد نبھائیں گے |
معلومات