| وفا کے عِوض بے وفائی نہ دینا |
| بس اِک اِلتجا ہے جُدائی نہ دینا |
| مُحبّت ہے تجھ سے کہ دیوانگی ہے |
| سِوا تیرے کچھ بھی دِکھائی نہ دینا |
| خُدا تُجھ سے اب میں یہی مانگتا ہوں |
| کہ دُشمن کو مجھ تک رسائی نہ دینا |
| مرے دل کی ہلچل مُجھے کہہ رہی ہے |
| سِتمگر کے در پر دُہائی نہ دینا |
| مَیں درویش بندہ ہوں میرے خدایا |
| مُجھے خوئے بس خُود نُمائی نہ دینا |
| اداسی کہ ہم اس مکاں پر کھڑے ہیں |
| کہ آواز اپنی سنائی نہ دینا |
| جو سارے زمانے سے بیگانہ کر دے |
| تُو مانی کو وہ آشنائی نہ دینا |
معلومات