| خود کو آزاد کہوں یا غمِ دوراں کا شکار |
| کس سے فریاد کروں کس سے اندیشۂ دار |
| کس کی دہلیز پہ سر رکھوں کسے اپنا کہوں |
| کس سے امید رکھوں کس پہ ہو جاؤں نثار |
| آج کچھ یوں شبِ مہتاب کی رسوائی ہوئی |
| صبحِ خورشید قیامت بھی ہے ظلمت کا شکار |
| ایک مدت سے ہے بیتاب قدم بوسی کو |
| وہ جو جاتی ترے کوچے کو ہر اک راہ گزار |
| اب تو وحشت سی مجھے ہونے لگی ہے ان سے |
| جن کو قدرت نے بنایا رخِ لالہ و عذار |
| کوئی ہم رازِ شبِ وحشتِ دل ہو تو کہوں |
| چھا رہا ہے شفقِ دل پہ مرے کیسا غبار |
| کوئی کاشانۂ الفت ہو کوئی گلشنِ دل |
| بلبلِ باغِ غم و رنج جہاں پائے قرار |
| کوئی ہنگامۂ ہستی سے مجھے چین ملے |
| کوئی پژمردہ دل و جاں پہ چلے بادِ بہار |
| مطلعِ دل کا کوئی مصرع اسے کیا بھائے |
| مقطعِ جاں جسے منظور نہیں نغمہ نگار |
| عکسِ محبوبِ رخِ لالہ نہیں میری غزل |
| شاہئ رند بلا نوش پہ چھایا ہے خمار |
معلومات