| ڈنکے ہیں دو جہاں میں میرے حضور کے |
| کیا خاص ہیں وہ دلبر ربِ غفور کے |
| نامِ نبی کے روشن جلتے چراغ ہیں |
| جلوے حسین ہر جا دلبر سے نور کے |
| آنگن میں مصطفیٰ کے ہیں کامرانیاں |
| صیقل ہیں پردے جن سے عقل و شعور کے |
| تاباں ضمیرِ ہستی نورِ حبیب سے |
| کارندے دور بھاگیں جس سے فتور کے |
| یادِ نبی ہے نعمت دل کا قرار بھی |
| وجہہ سکون اس میں لمحے سرور کے |
| لرزے ہیں قصرِ رومی کسریٰ پہ کپکپی |
| نیچے جھکے ہیں سر بھی ظلم و فجور کے |
| فیضانِ دلربا سے کونین ضوفشاں |
| محمود مصطفیٰ سے جلوے ہیں طور کے |
معلومات