| جنم دن پر ہم کو نذرانہ محبت کا ملا |
| کچھ تو جاناں سے ہمیں انعام فرحت کا ملا |
| خواہشِ دیرینہ اک دن اپنی پوری ہو سکی |
| شکر ہے پیغام آخر آج الفت کا ملا |
| انتظارِ یار میں بےچینی کا اظہار تھا |
| پھر سلامِ عشق جُھک جُھک کر عقیدت کا ملا |
| خوب ہوتی ہے حفاظت اُن کے ہر سوغات کی |
| ہے بھی سر آنکھوں پہ جو تحفہ مسرت کا ملا |
| ٹیس گہری دل میں اُٹھتی ہے اگر یادیں نہ ہوں |
| بھول جانے سے ہی اُن کو رنج حسرت کا ملا |
| کیوں نہ احساں مند ناصؔر ہو سکے اس بات پر |
| بزمِ عشرت میں جو دعوت نامہ شرکت کا ملا |
معلومات