| حمد کے گیت گنگنایا ہوں |
| تیرے گھر نور میں نہایا ہوں |
| ہو کے آیا حرم سے میں واپس |
| دل وہیں گرچہ چھوڑ آیا ہوں |
| حجر اسود قریب سے دیکھا |
| حسن کب اس کا بھول پایا ہوں |
| بوسہ لینے کو دل تو تڑپا تھا |
| پر یہ حسرت ہی ساتھ لایا ہوں |
| تیری دہلیز پر قدم رکھ کے |
| کر کے توبہ میں گڑگڑایا ہوں |
| کر دیا راز فاش اپنا ہی |
| دیکھ کر اس کو مسکرایا ہوں |
| دیتا رہتا ہے پھل ہمیشہ جو |
| ڈھونڈتا اس شجر کا سایا ہوں |
| ناتے توڑے تھے ساری دنیا سے |
| جانے کیوں پھر بھی لوٹ آیا ہوں |
| مجھ کو توفیق دے پھر آنے کی |
| تیرا اپنا ہوں کب پرایا ہوں |
| تیرے بن جی سکوں گا میں کیونکر |
| جب ترے ہجر کا ستایا ہوں |
معلومات