| خمیرِ زاغ و کرگس سے تنِ شہباز پیدا کر |
| صفوں میں اپنے بلبل ! بے خطر جانباز پیدا کر |
| نہیں کچھ بھی ترے آگے فلک کی رفعت و وسعت |
| اے شاہیں! بال و پر میں قوّتِ پرواز پیدا کر |
| بہت انداز دیکھیں ہیں زمانے کی نگاہوں نے |
| نگاہیں جس پہ جم جائیں تو وہ انداز پیدا کر |
| زمانہ تیری جانب خود بخود کھچتا چلا آۓ |
| حصارِ خار میں رہ کر گلوں سا ناز پیدا کر |
| بدل ڈالے تری دنیا محبت آفریں اے دل ! |
| مرورِ زندگانی میں وہ سوز و ساز پیدا کر |
| تیری ہستی کو وا، کرنے میں بھی صدیاں گزر جائیں |
| وجودِ بزمِ ہستی میں نکات و راز پیدا کر |
| نظامِ مے کدہ کب تک کہن دستورِ پابند ہو |
| نیا ہے دور اے ساقی ! نیا انداز پیدا کر |
| غلامیت صفت آزاد کو درسِ شجاعت دے |
| تو طفلِ ناتوانوں میں بھی یکّہ تاز پیدا کر |
| سیاسی دستِ قدرت میں ہے تقدیرِ مسلمانی |
| سیاسی حلقوں میں غافل ! سیاست باز پیدا کر |
| سراپا بن کے بجلی چار سوۓ بزم کو لپکے |
| کہ ایوانِ سیاست میں تو وہ آواز پیدا کر |
| یہ محکومی نہیں جچتی جوانانِ مسلماں کو |
| اے شاہؔی ! نوجوانوں میں حکومت ساز پیدا کر |
معلومات