| نبی ص کی آل کے غم کا مہینہ آیا ہے |
| کہ خوں سے لال ستم کا مہینہ آیا ہے |
| تڑپتے پیاس سے سوکھے ہوۓ لبوں کی صدا |
| صداۓ رنج و الم کا مہینہ آیا ہے |
| علی کے لال نے گردن کٹادی سجدے میں |
| ہے ابر آنکھ میں نم کا مہینہ آیا ہے |
| سکینہ ع رو کے پکارے گئ تھی بابا کو |
| بتانے ہم کو کرم کا مہینہ آیا ہے |
| کٹے تھے شانے علمدار ع کے جھکے نہ رکے |
| شجاعتوں کے بھرم کا مہینہ آیا ہے |
| وہ نوک نیزہ وہ معصوم سے علی اصغر ع |
| بیاد ظلم وستم کا مہینہ آیا ہے |
| حمیرا شام کی گلیوں میں ننگے سر بی بی |
| مری بتول کے غم کا مہینہ آیا ہے |
| حمیرا قریشی |
معلومات