| اے مولا مدینہ مجھے پھر دکھانا |
| ملے شہرِ جاناں میں اک آشیانہ |
| عطا ہو کہ دیکھوں وہ دلکش نظارہ |
| سجا ہے جو دل میں حسیں آستانہ |
| مدینے میں آؤں ملیں راہیں آساں |
| مدینہ ہے ارماں اے شاہِ زمانہ |
| خدایا درِ مصطفی آرزو ہے |
| مدینے میں جلدی حزیں کا ہو آنا |
| چلی جا رہی ہے یہ فصلِ بہاراں |
| رہے گا نہ دائم یہ موسم سہانا |
| مدینے میں گزرے شہا زندگی یہ |
| یہ منشا ہے میری یہ ارماں پرانا |
| تو محمود پر بھی کرم کر الہٰی |
| مدینے ہو جلدی یہ عاصی روانہ |
معلومات