| جھوم کے چھائی گھٹا زور سے آیا بادل |
| شہر جل تھل ہوا پانی میں نہایا بادل |
| فصل مزدُور کی پانی کو ترستی ہی رہی |
| تُو نے آجر کی زمینوں پہ گرایا بادل |
| کھیت کھلیان سبھی سُھوکھے پڑے ہیں اب بھی |
| والئی شہر بتا کس نے چرایا بادل |
| آسمانوں کی رِدا پھُوٹ رہی ہو جیسے |
| ایسے گھنگھُور گھٹاؤں میں سمایا بادل |
| بستیاں مِٹ گئیں ویران ہوئے سر و سمن |
| روک لے روک لے اب میرے خدایا بادل |
| آسمانوں پہ گھٹا اور یہاں زُلفِ سیاہ |
| ہر کہیں تِیرہ شبی جھُوم کے چھایا بادل |
| کاش ہم سارے کبھی بیٹھ کے ادراک کریں |
| کس نے امید بھری کس نے بنایا بادل |
معلومات