| جیسے مجبور عورت بدن بیچ دے |
| حکمراں بے ضمیرا وطن بیچ دے |
| مولوی ہے کہ محراب میں بیٹھ کر |
| دین کے نام پر ہی گگن بیچ دے |
| ایسی دھرتی کا رونا بھی کیا روئیں ہم |
| جس جگہ پر سخنور سخن بیچ دے |
| بخشی خالق نے جس کو تخیل گری |
| وہ مصور بھی محنت لگن بیچ دے |
| کیا کرے پھر ریاست کا چوتھا ستون |
| جب صحافی صحافت کا فن بیچ دے |
| شیخ جی کیا ہے فتوی بتاؤ، اگر |
| کوئی بھوکا چرا کر کفن بیچ دے |
| بلبلیں پھول کلیاں کریں بھی تو کیا |
| باغباں جس گھڑی خود چمن بیچ دے |
| شکلِ انسان میں وہ تو شیطان ہے |
| نسل انساں کے جو زندہ تن بیچ دے |
معلومات