| آپﷺ کا نور ہے آپﷺ کے شہر میں |
| آپﷺ کے نور سے نور ہے دہر میں |
| آپﷺ ہیں خالقِ کُل کے نورِ ازل |
| آپﷺ سے روشنی ہے بَر و بحر میں |
| آپﷺ کے قلب میں نورِ قرآن ہے |
| آپﷺ پر نور اُترا شبِ قدر میں |
| آپﷺ ہیں خاتَمُ الانبیاء یانبیﷺ |
| آپﷺ شمعِ ہدایت ہیں ہر عصر میں |
| آپﷺ کے نور سے رات روشن ہوئی |
| آپﷺ کا حسن ہے جلوہِ بدر میں |
| آپﷺ ہیں رَحْمَتُ للْعَالَمِیْں یانبیؐ |
| آپﷺ ہیں شَافِعُ الْمُذْنِبِیْں حشر میں |
| آپﷺ کا رُخ جِدھر ہے ہے قبلہ اُدھر |
| آپﷺ کی ہے رضا رب کے ہر امر میں |
| آپﷺ سے قبل ظلمت کدہ تھا جہاں |
| آپﷺ کا نور ہے مَطلَعِ الفجر میں |
| آپﷺ کا خُلق آئینہِ نور ہے |
| آپﷺ کی ہے ثنا لوح کی نشر میں |
| آپﷺ کا اُسوہِ اعلیٰ بے مثل ہے |
| آپﷺ جیسا نہیں ہے کوئی دہر میں |
| آپﷺ کے نور سے ذہن روشن ہوئے |
| آپﷺ کا فیض ہے فکر کی لہر میں |
| آپﷺ کے نور سے چمکے کون و مکاں |
| آپﷺ کا نور ہے کوخ اور قصر میں |
| آپﷺ ہیں فاتحِ قلبِ انسانیت |
| آپﷺ کی حکمتیں ہیں ہر اک نصر میں |
| آپﷺ کی سنتوں سے نکھرتا ہے تن |
| آپﷺ کے نور سے نور ہے صدر میں |
| آپﷺ کے نور سے گھر ہے روشن مرا |
| آپﷺ کا نور بھی چمکے گا قبر میں |
| آپﷺ کا فیض ہے سیفی کی نعت میں |
| آپﷺ کا نور ہے میرے ہر شعر میں |
معلومات