| 1۔2۔2023/28۔3۔2024 |
| خزاں ہے لیکن ، |
| بہار آئے گی ، آس رکھنا |
| قریب آنے نہ دینا اِس کو |
| ہمیشہ دل سے جو دور رکھنا |
| تو ، یاس رکھنا |
| بحال اپنے حواس رکھنا |
| بلند اپنا قیاس رکھنا |
| جو چاہتوں کی تُو پیاس رکھنا |
| تو الفتوں کی |
| گلاب جیسی تُو باس رکھنا |
| غموں کو اپنا تُو داس رکھنا |
| تُو مسکراہٹ لباس رکھنا |
| لبوں پہ ایسی مٹھاس رکھنا |
| محبّتوں کی اساس رکھنا |
| خوشی مقدّر میں ہے تمہارے |
| خوشی کے موسم کو راس رکھنا |
| کبھی نہ دل کو اداس رکھنا |
| نگاہ میں تُو سپاس رکھنا |
| دبا کے غصّہ ، بھڑاس رکھنا |
| کہ صبر کا انعکاس رکھنا |
| پڑے جو مایوسیوں کا سایہ |
| تو یاد یہ اقتباس رکھنا |
| کسی کو جو آس پاس رکھنا |
| نظر کو جوہر شناس رکھنا |
| خدا کے آگے ہمیشہ جھک کر |
| دعا میں سب التماس رکھنا |
| کرے گا ہر آن جو حفاظت |
| یہ ایک نسخہ تُو پاس رکھنا |
| یہ ختم بَن باس ہو گا اک دن |
| کہ رام کی واپسی تو ہو گی |
| وہی تو دن عید کا بھی ہو گا |
| دیے جلیں گے گلی گلی پھر |
| تو پھر نہ چہرے اداس رکھنا |
| سنبھال کر شُرلیاں، پٹاخے |
| سب اپنے رنگیں لباس رکھنا |
| ہمیشہ خوشیوں کی آس رکھنا |
| دیے جلانے کو خاص رکھنا |
| بہار آئے گی ، آس رکھنا |
| بہار آئے گی ، آس رکھنا |
معلومات