| حبیبِ خدا کا جمال اللہ اللہ |
| ہے مفقود جس کی مثال اللہ اللہ |
| تھی قدموں تلے اُن کے مخلوق ساری |
| ہے معراج اوجِ کمال اللہ اللہ |
| ورودِ نبی سے ہیں طاغوت غائب |
| حسیں کی یہ ہیبت جلال اللہ اللہ |
| زہے جاں سے افضل وہ ذاتِ کریمی |
| سبق دیں نبی کے بلال اللہ اللہ |
| ہوئے بِیر شیریں تھے کڑوے ازل سے |
| ملا جب نبی سے زلال اللہ اللہ |
| خدا کو ہے بھائے خُلق مصطفیٰ کا |
| درخشاں ہیں جن کے خصال اللہ اللہ |
| عطائے خدائی ثنا ہے نبی کی |
| سجے اُن سے میرے مقال اللہ اللہ |
| دنیٰ میں کھڑے جب تھے محمود آقا |
| وہاں بھی ہمارے خیال اللہ اللہ |
معلومات