نعتِ احمد گنگناؤں سبز گنبد دیکھ کر |
حالِ دل اپنا سناؤں سبز گنبد دیکھ کر |
یا خدا قسمت میں لکھ دے ایک دن کوئے نبی |
میں مدینے جاؤں آؤں سبز گنبد دیکھ کر |
رحمتِ نورِ مجسم کے نگر کی خاک کو |
آنکھ کا سرمہ بناؤں سبز گنبد دیکھ کر |
جانبِ خلدِ بریں جب لے چلے رضواں مجھے |
ہر گھڑی بس مسکراؤں سبز گنبد دیکھ کر |
مصطفیٰ کے نام پر صلَِ علیٰ کے ورد کو |
لب پہ میں اپنے سجاؤں سبز گنبد دیکھ کر |
کاتبِ تقدیر لکھ کچھ اس طرح تقدیر میں |
میں بھی اپنا گھر بناؤں سبز گنبد دیکھ کر |
ہجرِ طیبہ میں تصدق روز و شب صبح و مسا |
اشک آنکھوں سے بہاؤں سبز گنبد دیکھ کر |
معلومات