| تشنگی دل کی دور کی جائے |
| اس کی آنکھوں سے آج پی جائے |
| ایک مدّت ہوئی ملے اس کو |
| حاضری اس کے گھر پہ دی جائے |
| اس کے در سے نہ جائے خالی کوئی |
| کیوں نہ اس کی دعا ہی لی جائے |
| کیا کیا جائے ، جینے کی خواش |
| اور کچھ دیر دل میں جی جائے |
| بارہا ، سامنے رقیبوں کے |
| چاک عزّت ہوئی ہے ، سی جائے |
| ہجر کی پڑ نہ جائے عادت یوں |
| خواہشِ وصل ، دل سے ہی جائے |
| جا کے دل پر اثر کرے گہرا |
| بات اس رنگ میں کہی جائے |
| غیر کو بھی وہ مت کہو طارق |
| اس کی عزّت ، رہی سہی جائے |
معلومات