| وہ نرم مجھ میں نشانہ تلاش کرتا ہے |
| وہ دل پہ داغ پرانا تلاش کرتا ہے |
| بہت دنوں سے میں خاموش ہوں مگر پھر بھی |
| لڑائی کا وہ بہانہ تلاش کرتا ہے |
| ذرا سی بات یوں پھیلی ہے آگ کی مانند |
| زمانہ اس میں فسانہ تلاش کرتا ہے |
| نہ سنگ اس پہ اچھالو وہ جذب میں ہے ابھی |
| وہ سر ٹکانے کو شانہ تلاش کرتا ہے |
| مری مثال اس مورکھ پرندے جیسی ہے |
| اندھیری رات میں دانہ تلاش کرتا ہے |
| میں کب کا چھوڑ چکا صحرا نوردیاں شاہدؔ |
| میں وہ ہوں جس کو ویرانا تلاش کرتا ہے |
معلومات