| تیرے کہے پہ خود کو مَیں کیوں کر بناؤں گا |
| جو ہو سکا تو خود کو ہی بہتر بناؤں گا |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| پہلے بھروں گا چاشنی پھولوں میں پیار کی |
| مَیں تتلیوں کے بعد میں پھر پر بناؤں گا |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| احساسِ کمتری بھی کوئی چیز ہے جناب |
| دیوار کے بغیر بھی اک در بناؤں گا |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| ہوگا مرا یہ گھر بھی ترے گھر کے سامنے |
| اک روز تیرے گھر کے برابر بناؤں گا |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| پہلے کھڑا کروں گا قبیلہ میں اک نیا |
| دستار کے لیے بھی کوئی سر بناؤں گا |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| میری طرح یہ عشق بھی چھانے گا دشتِ خاک |
| اپنی طرح اِسے بھی میں بے گھر بناؤں گا |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| اس بار آفتاب کو دیکھوں گا ڈوبتے |
| اس بار ساحلوں پہ کوئی گھر بناؤں گا |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| کھینچوں گا اس طرح سے میں تصویرِ زندگی |
| مانی ہر ایک سانس میں اک ڈر بناؤں گا |
معلومات