| تم نے انسان جو بہتریں دیکھے ہیں |
| مے کَدے کے علاوہ کہیں دیکھے ہیں؟ |
| اہلِ دنیا نہ ہی اہلِ دیں دیکھے ہیں |
| ہم نے اُس بزم میں مہ جَبیں دیکھے ہیں |
| جانے وہ راہبر کیسا تھا, کون تھا |
| ہر قدم پر نشانِ جَبیں دیکھے ہیں |
| یہ الگ بات تعبیر پائی نہیں |
| خواب لیکن جو دیکھے حَسیں دیکھے ہیں |
| غالبا سلطنت یہ ہے درویشوں کی |
| پاؤں کے نیچے تاج و نَگیں دیکھے ہیں |
| اِک محبت کی نسبت سے شاہدؔ مَیں نے |
| آسماں پر یہ اہلِ زمیں دیکھے ہیں |
معلومات