| کسی کے عشق کا مجھ پر بھی یہ خمار رہا |
| جو ایک بار نہیں مجھ پہ بار بار رہا |
| کسی کی سیرت و صورت کسی کی ناز و ادا |
| کسی کے حسنِ تخیل پہ جاں نثار رہا |
| جوانی بچ نہ سکی اپنی بھی حسینوں سے |
| شباب اپنا بھی ہرچند داغدار رہا |
| ہوئی نہ مجھ سے محبت کی پاسداری کبھی |
| اسی سبب سے جہاں میں بے اعتبار رہا |
| رہی نہ بزمِ تصور میں شوخیاں باقی |
| نہ باغِ دل ہی حسیں رت میں لالہ زار رہا |
| بچی نہ شوخی کلی میں نہ گل میں رعنائی |
| عجب تو یہ تھا کہ موسم بھی سازگار رہا |
| نگاہِ شوق بھی اکثر ہی اشک بار رہی |
| ہو دن یا رات سراپا میں اضطرار رہا |
| لبوں پہ لہرِ مسرت بکھیر کر ہردم |
| خزاں رسیدہ چمن میں یوں میں بہار رہا |
| ملا نہ بزمِ محبت میں ایک پل بھی مجھے |
| میں اہلِ دل کی نگاہوں میں ناگوار رہا |
| رفیقِ راہ بھی منزل سے پیشتر مجھ سے |
| کنارہ کش ہوۓ تنہا میں راہ دار رہا |
| کسی کے شوق میں آنکھوں کو فرشِ راہ کیے |
| کسی حسین کو اکثر یہ انتظار رہا |
| وصالِ یار اسے بھی ہوا کرے کوئی |
| مرے فراق میں ہرپل جو بے قرار رہا |
| کسی بھی بزم سے روٹھا تو میں منایا گیا |
| نہ راس آیا جسے میں وہ شرمسار رہا |
| گلہ زمانے کو مجھ سے یہی رہا شاہؔی |
| درونِ بزمِ وفا بھی ستم شعار رہا |
معلومات