| ہادی خدا کے، بولتے قرآں علی نقیؑ |
| ہیں دینِ کبریا کے نگہباں علی نقیؑ |
| آتی ہیں ساتھ ساتھ وہاں جنتیں تمام |
| ہوتے جہاں بھی آکے ہیں، مہماں علی نقیؑ |
| سونے کے تاروں سے ہے بَنا جَنّتی لباس |
| یاقوت و موتی کی بھی ہیں کلیاں علی نقیؑ |
| حوریں کنیز بن کے بہت فخر کرتی ہیں |
| بنتے ملک ہیں آپ کے درباں علی نقیؑ |
| گاتے ہیں گیت سارے پرندے بھی اسطرح |
| نغموں میں کہتے ہیں یہی؛ ایماں علی نقیؑ |
| بت کو چھپا کے رکھتے ہیں دل میں جو اہلِ کیں |
| تھامے وہ کیسے آپ کا داماں علی نقیؑ |
| اللہ نے وہ نور عطا آپ کو کیا |
| ہوتے ہیں ماہ و مہر بھی قرباں علی نقیؑ |
| نازاں بھی ہے رواں بھی ہے صائب کا جو قلم |
| مضمون کا جو آج ہے عنواں علی نقیؑ۔ |
معلومات