| ہستی ہے جن پہ قرباں ہیں کبریا کے دلبر |
| سب ہیں انہی کی خاطر یہ مہر ماہ و اختر |
| آقا سے بات اِن کی، جو حسن ہے جہاں میں |
| بولے خوشی سے مہتر کب مصطفیٰ سے بہتر |
| سدرہ سے اڑنے والے یہ پر رکے کہیں ہیں |
| اک ہے ورائے سدرہ، جو ہے نبی کی خاطر |
| مختارِ کل ہیں سلطاں قدرت کی نعمتوں کے |
| قاسم وہی ہیں اس کے اُن کے ہیں سارے دفتر |
| توحیدِ کبریا کا، ہے امر جن سے پہنچا |
| صادق ہیں وہ، جو مخبر، مولا کے ہیں پیمبر |
| ہیں خرد کی حدیں بھی ہستی کے ہر کراں تک |
| سدرہ سے پار پہنچے کن کے قدم مطہر |
| محمود خلقِ قادر جن کے لئے بنی ہے |
| وہ شان والے دلبر، میرے نبی ہیں طاہر |
معلومات