| اُس کی یادوں سے مجھے جی کو لگانا ہو گا |
| رفتہ رفتہ ہی سہی اس کو بھلانا ہو گا |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| میرا لہجہ وہ مرے لفظ چرا سکتا ہے |
| اس کی نظروں سے خزانے کو چھپانا ہو گا |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| رات خوشبو کی عبادت میں گزر جائے گی |
| پھول کو چوم کے دریا میں بہانا ہو گا |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| زندگی کا یہی مقصد ہے اگر سوچو تو |
| باپ کو بوجھ بڑھاپے میں اٹھانا ہو گا |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| ہم بھی اس بار تماشائی بنے بیٹھے ہیں |
| کون اب اس کی نگاہوں کا نشانہ ہوگا |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| ایک الفت کی سزا اتنی بڑی پاؤں گا |
| کب یہ سوچا تھا کہ دشمن یہ زمانہ ہوگا |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| ہاں کوئی نقص مقدر میں مرے مانی ہے |
| اپنے ہاتھوں کی لکیروں کو دکھانا ہوگا |
معلومات