تمہیں اجازت ہے شہر والو |
جو دل میں آئے مجھے کہو تم |
مجھے کہو تم برا بھلا بھی |
مجھے ملامت کرو جی بھر کے |
کہو مجھے بدچلن بھی لیکن |
فقط مجھے اتنا پوچھنا ہے |
جو مجھ پہ گزری وہ تم پہ گزرے |
تمہیں بھی نوچیں یہ گدھ سے انساں |
تمہارا ملبوس پھاڑ ڈالیں |
تمہاری عزت پہ ہاتھ ڈالیں |
تمہیں پہ الزام بھی لگا دیں |
تو کیا تمہیں اس کا دکھ نہ ہوگا |
اگر تو ہو گا تو شہر والو |
اے میری عزت کے پہرے دارو |
مجھے بچا لو، مجھے بچا لو |
معلومات