| ہماری بے بسی پر مسکرا لے جس کا جی چاہے |
| ہمارے صبر کو بھی آزما لے جس کا جی چاہے |
| اسے شکوہ ہے کیوں جس کو نہیں ہے ضبط کا یارا |
| وہاں اشکوں کے دریا بھی بہا لے جس کا جی چاہے |
| شکایت ان کو ہے ہم سے ،خدا کا نام لینے پر |
| گناہوں کے سمندر میں نہا لے جس کا جی چاہے |
| عمل دیکھے نہ کوئی نام کے تو ہم مسلماں ہیں |
| تو دھوکہ رِیش و جبّے سے وہ کھا لے جس کا جی چاہے |
| مہ و خورشید دونوں روشنی کا ایک منبع ہیں |
| ستاروں سے بھی دل کا نور پا لے جس کا جی چاہے |
| ہمیں پہلوں سے نسبت ہے فدا جانوں کو کرنے کی |
| ہمارا حال بھی ان سے ملا لے جس کا جی چاہے |
| ہماری زندگی بیتی ہے ساری آزمائش میں |
| کوئی حسرت جو باقی ہو مٹا لے جس کا جی چاہے |
| فقیروں کو نہیں مطلب جہاں کے مال و دولت سے |
| مگر رستے سے کیوں کوئی اُٹھا لے جس کا جی چاہے |
| ہمیں طارق غرض آواز دینے سے ہیں دیتے ہیں |
| کہ نیکی میں قدم آگے بڑھا لے جس کا جی چاہے |
معلومات