| مقدر ہو مولا مدینے میں جینا |
| جو لے جائے بطحا ملے وہ سفینہ |
| درِ مصطفیٰ پر فدا جان کر دوں |
| جو جبریل کو بھی ہے مرغوب زینہ |
| ہے بوسیدہ ناؤ کو تیرا سہارا |
| میں آؤں مدینے عطا ہو قرینہ |
| میں لوں سرمہ بطحا سے خاکِ شفا کا |
| کرے کور نظروں کو جو چشمِ بینا |
| جو عشقِ نبی سے ملے ایک قطرہ |
| حسیں جامِ حُب کو نظر سے ہے پینا |
| کہاں ہے یہ نکہت گلوں کا مقدر |
| ہے خوشبو سے اعلیٰ نبی کا پسینہ |
| نگاہِ کرم ہو نبی جی حزیں پر |
| سدھر جائے عقبیٰ اے شاہِ مدینہ |
| نظر ہو کریمی ہے محمود عاصی |
| بنے یادِ ہادی دلوں کا نگینہ |
معلومات