| اس کائنات میں کوئی دِکھتا نہیں شگاف |
| تحقیق کرنے والے بھی کرتے ہیں اعتراف |
| دعوٰی ہے خود بخود بنے ارض و سما مگر |
| اب حق کے سامنے تو ٹھہرتی نہیں یہ لاف |
| قرآں نے جو بھی علم دیا کائنات کا |
| ہر نقطہ جو بتایا ہے ثابت ہوا وہ صاف |
| اپنا میں نقطۂ نگہ سمجھاؤں بھی تو کیا |
| جو بات بھی کروں اُسے مجھ سے ہے اختلاف |
| قائل نہیں جو آج کل ایمان لائیں گے |
| مانیں اسے جو بڑھ رہا ہے ان کا اب گراف |
| دیکھا جو حسن اس کا وہیں پر ہیں مر مٹے |
| آنکھوں سے ہٹ گئے ہیں پڑے جو رہے غلاف |
| دل اس کی یاد میں یہ تڑپتا ہے کس لیے |
| کہتے ہیں لوگ ہو گیا ہے عین شین قاف |
| طارق اسی کے حسن سے گھائل ہوئے ہیں سب |
| کر دے جو لغزشیں بھی ہماری ہمیں معاف |
معلومات