| اے یار مرے ہاتھ ملا عید کا دن ہے |
| گھر بار کے حالات سنا عید کا دن ہے |
| بس ہاتھ ملالینے سے کافی نہیں ہوتا |
| دل دل سے ملاؤ تو ذرا عید کا دن ہے |
| مظلوم ہیں بے کس ہیں فلسطیں کے مسلماں |
| سب ان کے لئے کرنا دعا عیدکا دن ہے |
| دنیا میں منافق کے سوا سارے گنہگار |
| اللہ کی پالیں گے رضا عید کا دن ہے |
| نکلا ہوں میں دو دل کو ملانے کو خدایا |
| رکھ لینا بھرم آج مرا عید کا دن ہے |
| شاید کہ کہیں بیٹھ کے وہ ہنس رہی ہوگی |
| خوشیوں سے مہک اٹھی فضا عید کا دن ہے |
| نکلی ہے مرے دل سے یہی اک دعا یونسؔ |
| خوش رکھنا سبھی کو اے خدا عید کا دن ہے |
معلومات