| کرم میرے سلطاں مدینے چلیں |
| دکھوں کا ہو درماں مدینے چلیں |
| یہ دل ہجرِ آقا میں ہے بے قرار |
| بہیں اشک آنکھوں سے زار و قطار |
| لئے من میں ارماں مدینے چلیں |
| دکھوں کا ہو درماں مدینے چلیں |
| مدینہ سخی کا ہے رحمت نگر |
| یہاں ہے زماں کا سخی چارہ گر |
| بلائیں جو سلطاں مدینے چلیں |
| دکھوں کا ہو درماں مدینے چلیں |
| زمان و جہاں پر نبی کا ہے راج |
| نگہ مصطفیٰ کی دلوں کا علاج |
| کرم کر دے یزداں مدینے چلیں |
| دکھوں کا ہو درماں مدینے چلیں |
| مدینے میں آنا رہی جستجو |
| سنہری ہے جالی دلی آرزو |
| ہو بخشش کا ساماں مدینے چلیں |
| دکھوں کا ہو درماں مدینے چلیں |
| ہیں قرآنِ ناطق نبی مصطفیٰ |
| وحی قول جن کا وہ ہی دلربا |
| وہاں نورِ عرفاں مدینے چلیں |
| دکھوں کا ہو درماں مدینے چلیں |
| بہت یاد آتا ہے روضہ حسیں |
| غلاموں کی جس جا سدا خم جبیں |
| چلو اہلِ ایماں مدینے چلیں |
| دکھوں کا ہو درماں مدینے چلیں |
| وہاں ہے کرم کی سدا ہی بہار |
| جہاں مصطفیٰ ہیں سخی تاجدار |
| ہوں طالع درخشاں مدینے چلیں |
| دکھوں کا ہو درماں مدینے چلیں |
| وہی نبضِ ہستی وہ ہی جان ہیں |
| عنایاتِ حق کی جو پہچان ہیں |
| کرم جانِ جاناں مدینے چلیں |
| دکھوں کا ہو درماں مدینے چلیں |
| نبی مصطفیٰ پیارے معبود کے |
| سخی دل جو مولا ہیں محمود کے |
| اے مولا ہو احساں مدینے چلیں |
| دکھوں کا ہو درماں مدینے چلیں |
معلومات